إهداء لصاحب السمو الملكي الأمير عبدالرحمن بن ناصر بن عبدالعزيز محافظ الخرج
الحمد لله والشكر والثناء له
على سلامة سيدي نسل الأبطال
طهور يا رمز الوفاء والعداله
يا ذخرنا في ميلة الوقت لا مال
يا سيدي في غيبتك لا محاله
إن الحزن حتى على وجيه الأطفال
كل دعا لك والوفي يندعاله
إن الله يعافيك في كل الأحوال
الخرج نور والمواطن صفاله
جوه بعد عنك التعب سيدي زال
يقوله اللي تو ما ارتاح باله
في شوفتك ياللي لنا ريف وظلال
يا مرحبا والشعر هذا مجاله
غصب على بيوته تجي يمك اجزال
لأنك جزل وتحب درب الجزاله
بطل بطل سيرتك مضرب للأمثال
ولأنك ولد ناصر كريم السلاله
نسل الملوك معرب الجد والخال
يا أمير لك حق الفخر با الأصاله
بامجاد ملك بالقدايم ولا زال
خذيت من نجد الصبر والبساله
من اللي حكمها ماخذ قول وافعال
أبو فهد سلمان رمز الشكاله
تخضع له أرقاب عزيزات وطوال
ظلع يزين من نصاه ولجاله
نهر شربنا من مواريده ازلال
وانت شنار الطيب راع الجماله
نفخر وتفخر سيدي فيك الأجيال
جهدك أهالي الخرج تشرب ازلاله
وفعلك ظهر يا محقق كل الآمال
ومتنك ثقيل الحمل لو زاد شاله
يا اللي لعسرات المواقيف حلال
أمن المواطن غايتك والرساله
وقلبك حضن من جاك يا طيب الفال
من جا لبو فيصل يجي الطيب فاله
يا مسند اللي كايد الحمل ما شال
قلته وراعي الطيب ما قلت قاله
انك عظيم وشهم في كل الأحوال
والحمد لله والشكر والثناء له
على سلامة سيدي نسل الأبطال
فيصل بن سعد الشثري
التعليق مقفل لإنتهاء الفتره المحدده له
